లేబుళ్లు

25, డిసెంబర్ 2014, గురువారం

ఇండియాలో 2014 వరకు 'భారతరత్న' బిరుదాంకితులు

                                   ఇండియాలో  1954 - 2014  వరకు  'భారతరత్న' బిరుదాంకితులు
                                   ----------------------------------------------------------------------

 
1954      సర్వశ్రీ.   1. సర్వేపల్లి  రాధాకృష్ణ,             2. సి. రాజగోపాలాచారి                  3.  సర్. సి.వి. రామన్
  
1955          "       4. భగవాన్ దాస్                       5. మోక్షగుండం  విశ్వేశ్వరయ్య        6. జవహర్లాల్ నెహ్రు 

1957          "       7. గోవింద వల్లభ పంత్ 

1958          "       8. దొండో కేశవ్  కార్వే 

1961          "       9. బిధాన్ చంద్ర రాయ్              10. పురుషోత్తం దాస్ టాండన్ 

1962          "     11. రాజేంద్ర ప్రసాద్ 

1963          "     12. డా.జాకీర్ హుస్సేన్               13. పాండురంగ వామన్ కాణే

1966          "     14. లాల్ బహదూర్ శాస్త్రి 

1971          "     15. ఇందిరా గాంధీ

1975          "     16. వి.వి.గిరి 

1976          "     17. కె. కామరాజ్ 

1980          "     18. మదర్ థెరిసా 

1983          "     19. ఆచార్య. వినోబా భావే

1987          "      20. ఖాన్ అబ్దుల్ గఫార్ ఖాన్ 

1988          "      21. ఎం. జీ. రామచంద్రన్ 

1990          "      22. డా.  బి. ఆర్. అంబేద్కర్      23. నెల్సన్ మండేలా 

1991          "      24. రాజీవ్ గాంధీ                     25. వల్లభ భాయ్ పటేల్         26. మొరార్జీ దేశాయ్ 

1992          "      27. మౌలానా అబ్దుల్ కలాం ఆజాద్  28. జె ఆర్ డీ. టాటా       29. సత్యజిత్  రే

1997          "      30. గుల్జారీ లాల్ నందా          31. ఏ పీ జె. అబ్దుల్ కలాం       32. అరుణా అసఫ్ ఆలి 

1998          "      33. ఎం ఎస్. సుబ్బలక్ష్మి           34. చిదంబరం సుబ్రహ్మణ్యం 

1999          "      35. జయ ప్రకాష్ నారాయణ      36. అమర్త్య సేన్                    37. గోపీనాథ్ బర్దోలాయి 
                          38. పండిట్. రవిశంకర్ 
2001          "      39. లతా మంగేష్కర్                40. ఉస్తాద్. బిస్మిల్లా ఖాన్      

2009          "      41. పండిట్. భీమ సేన్ జోషి 

2014          "      42. సి ఎన్ ఆర్. రావు               43. సచిన్  టెండూల్కర్ 

2015          "      44. అటల్ బిహారీ వాజపాయీ   45. పండిట్. మదన్ మోహన్ మాలవీయ 

 

30, జులై 2014, బుధవారం

కొండ


                                                         కొండ
                                                -----------------------
దాదాపు రాత్రి  రెండు గంటలవుతోంది. రేపు శలవు కదాని కొద్దిగా ఎక్కువ సేపు చదువుకొని ఇప్పుడే  పడుకున్నాను. ఇంతలో ఇంటి వెనకాల ఉన్న మా చేద భావినుంచి  'దబ్బు' మని  ఏదో పడ్డ శబ్దం. దానితో పాటు భావిలోగూటిలో ఉన్న పావురాలు భావిలోనే ఎగురుతున్న శబ్దం.
ఊళ్ళో విపరీతంగా దొంగతనాలు. ఎందుకైనా మంచిదని నాన్నగారిని కుడా లేపి ఇంటి వెనకాల లైట్స్ వేసి ఇద్దరం దొడ్లోకి వెళ్ళాము. భావిలో ఇంకా పావురాలు విపరీతంగా ఎగురుతున్న శబ్దం వస్తూనే వుంది. టార్చిలైట్ భావి లోకి ఫోకస్ చేశాను.
లైట్ కాంతి కన్పించే సరికి పావురాలు రెండు పైకి ఎగిరి బయటకి వచ్చేశాయి.
భావిలో నీళ్లు ఏదో పెద్ద వస్తువు పడ్డట్లుగా అలలతో కల్లోలంగా వుంది.
టార్చిలైట్ తో భావిలో అన్ని పక్కలా చూశాను. ఒక పక్కన కొద్ది ఒడ్డు పట్టుకుని చెయ్యి ఊపుతూ 'సార్ , సార్' రక్షించండి. భావి చాలా లోతుగా వుంది. తాడు వెయ్యండి'.
వాడి మాటలు ప్రతిధ్వనిస్తూ వినిపించాయి.
నాన్నగారు నేను బిత్తర పోయాం.
'అసలు ఎవడు వాడు ?  దొంగా? అయితే భావిలో ఎందుకు పడ్డాడు'? అంతా అయోమయంగా వుంది అనుకుంటూ 'ఎవరినన్నా పిలుద్దాం నాన్నా' అన్నాను నేను.
ముందు చేంతాడు వెయ్యి భావిలో. వాడు చస్తే మన చావుకొస్తుంది అన్నారు  నాన్నగారు.
నాకేమి అర్ధం కాలేదు. గబగబా భావిలోకి తాడు వదిలాను.
వాడు ఇటు పక్కకి కొద్దిగా ఈది తాడు పట్టు కున్నాడు.
చేంతాడు అంతా బలంగా లేదు నాన్నగారూ! వెళ్లి మోకు తెస్తాను. ఈ తాడు తెగితే వాడు మళ్ళీ  పడి చస్తాడు.
ఆ తాడు పైన ముడి వేసి పరుగెత్తి వెళ్లి మోకు తెచ్చి పైన కట్టి భావి లోకి వదిలాను.
రెండు తాళ్ళు జత చేసి  మెలిక వేశాను. వాడు మెల్లగా పైకి వచ్చిఒక్కసారిగా భావి అంచు మీదనుంచి దూకి పరుగు లంకించు కున్నాడు. నేను ధైర్యం చేసి ఒక్క ఉదుటున  పరుగెత్తి పట్టుకున్నాను వాడిని. వాడు గింజు  కుంటున్నాడు. లైట్ కాంతి లో వాడి ముఖం చక్కగా కనిపించింది.
నాన్నగారూ, వీడు 'కొండ' గాడు. ఈసారి బిత్తర పోవడం నాన్నగారి వంతు అయింది.
వాణ్ని లాక్కుని వరండా లోకి వచ్చాము.వాడు నిక్కరు నుంచి నీళ్లు  ఒడుస్తున్నాయి.
'ఏరా కొండా', భావిలోకి ఈవేళ  ఎందుకు దిగావు ? మేం రాక పోతే చచ్చేవాడివి గదరా 'గాడిద కొడకా' అన్నారు నాన్నగారు.
'మాట్లాడవేం? నాలుగు తగిలించ మంటావా'? కోపంగా లేచారు నాన్నగారు.
వాడు తలెత్తడం లేదు. చేతులు కట్టు కున్నాడు.
నేను లేచి నాన్నగారిని కూర్చో బెట్టి 'చెప్పరా'? మాట్లాడు. రెట్టించాను నేను.
మీకు తెలుసు గదండి అయ్యగారూ, మానాయనకి పక్ష వాతమని.
'పావురం ఇంటిలో పెంచుతే 'వాతం' నయమైతదని ఎవరోఅంటే ఇన్నాను.
చీకట్లో వాటికి కళ్ళు కన్పించవు కదా సులువుగా పట్టుకోవచ్చనుకొని భావిలోకి దిగాను. పావురాలని పట్టుకెళ దామని....పాడు పావురాలు చీకట్లోముఖం మీద తన్నినై. అందుకే పట్టు తప్పి భావిలో పడ్డ నయ్యా!
మిమ్ముల్ని ఆడుగుతే ఇవ్వరని, పావురాల్ని పట్టుకోనివ్వరని,అర్థరాత్రి భావిలో దిగి
ఇట్టాపట్టు బడ్డనయ్య. తప్పయింది.అంటు ఏడుపు లంకించుకున్నాడు 'కొండ'.
'పిచ్చి ముండా కొడకా' చచ్చే వాడివికదా! పదా, అన్నారు, నాన్నగారు లేస్తూ .
'ఈరాత్రి వేళ మీరెక్కడికి నాన్నగారూ'? అన్నాను నేను
'వీణ్ణి ఈవేషంలోనే తల్లి కి చూపించి రావాలి' అని బయలుదేరారు.
 'నేనూ వస్తాను' అని తలుపులు బయటనుంచి వేసి బయలు దేరాం.
'అయ్యా, బాయి వెనకాల చొక్కా వుందయ్యా, తెచ్చుకుంటా' అని పరుగెత్తాడు కొండ.
'అది అక్కడే  వుండనియ్యి. వాణ్ని లాక్కుని రా వెధవని' అంటూనే బయదేరారు నాన్నగారు.
నాన్నగారి వెంట నేను, వాడు వాళ్ళింటికి  వెళ్ళాం.
కొండ తలుపు కొట్టాడు.
తల్లి తలుపు తీసి, కొండను, నన్ను, నాన్నగారిని చూసి కంగారు పడింది.
కొడుకుని తడి నిక్కరుతో చూసింది.
"ఏరా అయ్యగారి భావిలో దిగినవా"?  వద్దని చిలక్కి చెప్పినట్లు చెప్పిన గదరా....అంటూనే రెండు చెంపలు వాయించింది" సీతమ్మ.
'ఏం దయ్యగారు…ఇయ్యాల టప్పుడు మీరు ఇట్లా వచ్చింరు' ? అంది సీతమ్మ.
నాన్నకి నాకు అంతా అయోమయం. నాన్న గారు కోపం అపులేకపోయారు.
అంటే  వీడు నీకు తెలిసే వచ్చాడా?  బుద్ధుందా అసలు.
పావురం  కోసం  అర్దరాత్రి భావిలో దింపుతావా? వాడు మునిగి చస్తే?
బిత్తరచూపులు చూసింది ...సీతమ్మ!
'పావురాలేంది అయ్యగారూ'నాకు అర్ధం కావట్లే అంది సీతమ్మ.
'అదేంటే ? తండ్రికి పక్ష వాతం కదా. పావురాన్ని ఇంట్లో పెంచుతే పక్ష వాతం తగ్గు తుందని ఎవరో చెప్పారని చెప్పాడే వాడు అన్నారు నాన్నగారు.
నన్ను అడిగితే కాదంటా నని అర్దరాత్రి భావిలో దిగాడు వాటిని పట్టుకుందామని .....
"అయ్యో...కాదయ్యగారు....అందుకు కాదు వాడు భావిలో దిగింది. ఏడుస్తూ అంది" సీతమ్మ.
విస్తుబోయి  నాన్నగారి వంక చూశాను నేను..నాన్నగారి పరిస్థితి కూడ అలాగే వుంది.
'కొండ' దిగ్గున ఒక్కసారి గా ముందుకు వచ్చి "అయ్య గారు నిద్రలో లేచింది...రాత్రి కొద్దిగా తాగింది కూడ...ఏదేదో మాట్లాడుతోంది అమ్మ " అంటూనే
తప్పయి పోయింది ....చమించండయ్యా...అంటూ నాన్నగారి కాళ్ళుపట్టుకున్నాడు 'కొండ'.
"వెధవ తాగినట్లున్నాడు...ఇందాకట్నుంచీ అందుకే నోరు విప్పలే.. అన్నారు నాన్నగారు వెనక్కి జరుగుతూ.
"అయ్యా నేను రేపు చెపుతా ఈడు ఎందుకు భావిలో దిగాడో", ఇప్పుడు  మీ రెల్లండి' అంది సీతమ్మ ఏడుస్తూనే కొడుకుని ఉరిమి చూస్తూ.
"సరే, పదరా వెళదాం. రేపు చూద్దాం ఈ వెధవ సంగతి." అన్నారు నాన్నగారు ఇంటికి నడుస్తూ.
'పావురం కాకపొతే వీడెందుకు భావిలో దిగినట్లు'?..'పావురం కాదురా, ఇంకేదో వుంది.
వాడేదో దొంగతనానికి వచ్చి ఏదైనా అలికిడి వల్ల భావిలో దిగాడా? ఎందుకు దిగినట్లు?
భావిలో బిందె గాని, వెండి వస్తువులు గాని ఏమైనా పడిపోయాయా కనుక్కో"అన్నారు నాన్నగారు..  '.అయినా సీతాలు రేపు చేపుతానందిగా'...నడువు అన్నారు నాన్నగారు వడిగా అడుగులు వేస్తూ.
ఇంటికెళ్ళే టప్పటికి మూడున్నర అయింది. అమ్మ లేచే వుంది. ఏమిటీ ? ఏమయింది? 'అర్దరాత్రి ఎక్కడికి వెళ్ళారు, తండ్రీ, కొడుకు'!
'తలుపులు కూడా సరిగ్గా వేయలేదు. గేదెలు గాని మళ్ళీ విడిపించుకున్నాయా?
మొక్కలన్నీ తోక్కేశాయా? ఎన్ని సార్లు చెప్పినా వాటికి ఇనుప గొలుసులు  తేరు.
మొక్కలన్నీ ధ్వసం'. అమ్మ గొణుక్కుంటూనే పడుకుంది.
'నువ్వు కూడ వెళ్లి పడుకోరా రాత్రి చాలా సేపు చదివినట్లున్నావుగా', అన్నారు నాన్నగారు.
పడుకున్నానే గాని నిద్ర రాలేదు. సీతమ్మ మీదే ధ్యాస అంతా.ఇంటిల్లి పాదికీ తలలో నాలుకలా వుంటుంది.
నేను పుట్టక ముందు నుంచి పనిచేస్తోంది ఇంట్లో అన్నలు, అక్కలు, మా చుట్టాలు, అంతెందుకు,బావలందరూ కూడ
చాలా అభి మానిస్తారు తనని. ఈ ఇంట్లో పని మనిషి గా ఎప్పుడు అనుకోలేదు తనని.
అమ్మ కూడా పల్లెత్తు మాట అనదు.
'కొడుకని కుడా చూడకుండా వాడు పావురానికి కాదు, వచ్చింది' అని చెప్పింది.
వెధవ 'కొండ' గాడు కూడా ఈ ఇంట్లో మనిషిలానే ఉంటాడు. నాకు వాడికి వయసులో అయిదు నెలల తేడా అని సీతమ్మ చెపుతూ వుంటుంది. వాణ్ని చదువుకొమ్మని నాన్నగారు చాలా ప్రోత్సహించారు. కానీ వాడికి చదువు అబ్బ లేదు. ఆరో తరగతి మధ్యలో  మానేశాడు.
ఇంట్లో అందరి దగ్గరా చనువు వాడికి. ఒకళ్ళకి తెలీకుండా అందరి దగ్గరా కొద్దో , గొప్పో డబ్బులు తీసుకుంటూనే ఉంటాడు. సోమరి వెధవ. ఈ మధ్య  వెధవకి
వ్యసనాలు కూడ అలవాటు  అయినట్లుంది. ఈమధ్య రెండు, మూడు సార్లు అయిదు,
పదీ కనపడలేదనీ అమ్మా అందీ, నా రూములో కూడ కొద్దిగా డబ్బులు మిస్సయినట్లు అనుమానం వచ్చింది. వెధవ పాడయ్యాడు.
వాడి తండ్రికి మందులు కూడా చాలా వరకు మాఇంటి నుంచే వెళ్తాయి.
ఒకసారి దీపావళి పండక్కి బావలు, అక్కలు,అన్నలు అందరు వచ్చారు.
వదిన నా  షర్టు గుండీ కుట్టి సూది వాడి చేతికిచ్చి కేలండర్ కి గుచ్చమంది.
'కొండ'గాడు వెళ్లి సూదిని  పవర్ సాకెట్ లో పెట్టాడు. కరెంటు షాక్కి వచ్చి మా బావగారి వొళ్ళో పడ్డాడు. అందరం ఒకటే నవ్వు కున్నాము.
ఏమయిందిరా అంటే 'దిమ్మ తిరిగింది,తరువాత ఏమయిందో తెలవదు.బావగారి ఒళ్ళో ఎట్టా పడ్డానో తెలీదు' అన్నాడు.
అది గుర్తు వచ్చినప్పుడల్లా అందరం పడీ,పడీ నవ్వు కుంటాం.
అలాంటి అమాయకపు వెధవ ఇలా తయారయ్యాడు అనుకుంటూ నిద్రకు కుపక్రమించాను.
తెల్లారింది.
నేను వేప పుల్ల నోట్లో వేసుకుని వాకిట్లోనే  వున్నా. సీతమ్మ వచ్చి తలెత్తకుండా వాకిలి వూడవడం మొద లెట్టింది. ఇంతలో నాన్నగారు కాఫీ  కప్పుతో వరండా లోకి వచ్చి" ఏమే' సీతాలు' రాత్రి ఏదో అంటివి.వాడు పావురాయి కోసం కాదా భావిలో దిగింది" మరి దేని కోసం ? అన్నారు , నాన్నగారు.,' ఏందో నయ్యా రాత్రి నిద్రలో  ఏం మాట్లాడానో, ఏందో ! వాడు పావురాయి'  కోసమే వచ్చిండటయ్యా'! అంది తల వంచుకుని వాకిలి ఊడుస్తూనే.
తను నిజం చెప్పడం లేదని ఏదో ఒత్తిడిలో వుందని సీతాలు ముఖ కవలికలే చెబు తున్నాయి. 'సరేలే వాడు జాగ్రత్త. వెధవ చేతికందకుండా పోయేటట్లు న్నాడు.
వాణ్ని ఒక కంట కనిపెడుతూ వుండు'అన్నారు నాన్నగారు లోపలి కి వెళ్తూ.
ఇంతలో పక్కింటావిడ గోడ మీద నుంచి పిలుస్తూ " ఏంటి కిట్టయ్య గారు రాత్రి గొడవ" అంది.
'కొండ'  రాత్రి పావురం కోసం భావిలో దిగాడు. 'అట్టానే అనుకోండి కిట్టయ్య గారు, ఎప్పుడో వాడు మీ ఇంటికో,మా ఇంటికో కన్నం వేసిందాక' అంది పక్కింటావిడ వెటకారంగా.
"అదేందమ్మా అట్లంటారు వాడేం చేశాడమ్మా" అంది సీతాలు.
సీతాల్తో మాట్లాడకుండా "ఇదిగో కిట్టయ్య గారు మొన్న మీరు  వూరు వెళ్లి నప్పుడు మీ పాత రేకులు వాడు సర్దు తుంటే చూశాను. తరువాత మీ అమ్మగారు వూరి నుంచి వచ్చాక రేకులు పోయినై, పాతవే నని పట్టించుకోలేదని" అన్నారు.
రాత్రి 'కొండ' భావి లో పావురాల్లకోసమే దిగాడంటే నేను నమ్మను. సరిగ్గా కనుక్కోండి' అంటూ వెళ్లినా ఆవిడ మాటలు విన్న నాకు అసలీ సంగతేమిటో తేల్చాలి అన్న భావన గట్టిగా స్థిరపడింది నామదిలో.
సీతాలు  తల ఎత్తకుండా పనిచేసు కుంటూనే  వుంది. వెధవ వాడి మూలాన్న సీతమ్మ మాట పడాల్సి వస్తోంది ఆనుకున్నా నేను. ఇంతలో నాన్నగారు  'కృష్ణా' ఇలారా! అన్నారు.
నేను నోట్లో వేప పుల్ల తీసి నాన్నగారి దగ్గరికి వెళ్ళాను.
'సీతమ్మని  నువ్వు గాని ,అమ్మ గాని ఎవరూ ఏమి అడగొద్దు. దానంతట అది ఏమైనా చెపుతే నాకు చెప్పండి. మళ్ళీ చెపుతున్నా దాన్ని ఎవరూ ఏమీ అడగకండి.అమ్మకు కుడా చెప్పు' అన్నారు నాన్నగారు. అదీ దాని మీద మా అందరికి ఉన్న అభి మానం. వారం, పది రోజులయ్యాయి.
కొండ గాడు మళ్ళీ  కన్పించ లేదు. నాన్న  గారు మాత్రం వాడికి దగ్గర పట్టణం లో ఏదైనా వుద్యోగం వేయిద్దామని ప్రయత్నం చేస్తున్నట్లు తెలుసు. దాదాపు నెల రోజుల తరు వాత అనుకుంటా నాన్న గారు పొలంలో నాట్లు. నువ్వు కూడా   పొలానికి రమ్మని చెప్పి ఉదయమే వెళ్ళారు. నేను నాన్నగారికి టిఫెన్ తీసుకుని తొమ్మిది గంటలకల్లా పొలానికి వెళ్ళాను. కొండ గాడు నారు కట్టలు అందిస్తూ, కుదప తొక్కుతూ పై పనులు చేస్తూ కన్పించాడు. ఎప్పుడు వస పిట్టలా వాగే వెధవ నావంకే సరిగ్గా చూడ్డం లేదు.' ఏరా కొండా  ఆరోజు నుంచి కనిపించడం మానేశావు   ఏం చేస్తున్నావు? ఎక్కడున్నావు'? అనడిగాను వాణ్ని.' అదేంటి కిట్టయ్య గారూ, నాన్న గారు చెప్పా లేదా! అయ్య గారు పట్నంలో
ఉద్యోగం వేయించారు. టెంపరవరి.  1500 /- జీతం కిట్టయ్య గారు.బుద్ధి వచ్చింది. చేరి కూడా పది రోజులయింది.
అయ్యగారు ఇవాళ కూలి కి రమ్మన్నారు. వచ్చినా' అన్నాడు హుషారుగా కొండ.
'సరేలే...పని చూసుకో' అని నాన్న గారికి   టిఫెన్ ఇస్తే  వద్దన్నారు. ఇంటికెళ్ళి స్నానం చేసి వస్తానన్నారు. సరే నాన్నగారూ..స్నానం చేసి,  భోజనం కూడా చేసి వచ్చేయండి  నేను ఇక్కడే వుంటాను,అన్నాను.'నాన్నగారు ఇంటికి వెళ్ళారు. ఇక నేను వాడితో కలిసి పని మొదలెట్టాను. ఎలా అయినా సరే ఆరోజు సంగతి ఇప్పుడు తేల్చాల్సిందే,  అనుకున్నా. దాదాపు పన్నెండు అయింది టైం.
కూలీ లంత భోజనాలు చేస్తున్నారు. నా దగ్గర టిఫెన్ తీసి తినడం మొదలెట్టా. కొండ గాడిని కూడ పిలిచా.
'ఏందీ కిట్టయ్య గారు టిఫెన్'? అన్నాడు కొండ. ఇడ్లీ ,దోస రెండు వున్నాయి రా...తిందాం." అన్నాను నేను.
ఎలాగయి నా సరే వాడి దగ్గరనుంచి ఆ రోజు విషయం లగాల్సిందే అనుకున్నా.
వాడు దగ్గరకొచ్చి కూర్చున్నాడు.
ఇద్దరం టిఫెన్ తినడం మొదలెట్టాం. నేను ఎలా మొదలు పెట్టాలి టాపిక్ అని ఆలోచిస్తున్నా.
"కిట్టయ్య గారూ, ఎందుకంత ఆలోచిస్తారు. మీకు కావలసింది ఆరోజు నేను భావిలో ఎందుకు దిగానని కదా"! ఇదుగోండి, వినుకోండి.నేను భావిలో దిగిన రోజు రెండు రోజుల ముందు మీపిన్ని గారు వచ్చారు కదా.
ఆవిడ రెండు రోజులు వున్నారుకదా.ఆవిడ బాగా నగలేసుకొచ్చారు.అమ్మగారు ఎందుకె ఇన్ని నగలేసుకోచ్చావు? అనడిగారు
అప్పుడు నేను అక్కడే వున్నాను. అమ్మగారు పిన్నిగారితో అసలే ఈ వూళ్ళో దొంగలు కదనే.జాగ్రత్త, ఎక్కడ దాస్తావు ఈ రెండు రోజులు? అనడిగారు అమ్మగారు.
'నీకెందుకే భయం. నానగలు, నేను ఎక్కడయినా దాచుకుంటాను. అదేనే ఎక్కడ దాస్తావు'? అని అమ్మగారు మళ్ళీ అడిగారు. "అబ్బా నీ భయం పాడుగాను. కంగారు పడకు. వాటిని ఒక ఇనుప తీగకు చుట్టి ప్లాస్టిక్ సంచిలో వుంచి మీ భావి లో వేశేశాను, దాచేశాను". అన్నారు మీ పిన్ని గారు."ఆ, అయ్యో..అయ్యో.. మళ్ళీ వాటిని ఎట్లా తీస్తావే? ఏమిటో ఈ పిల్ల అఘాయిత్యం"  ఏమండీ... అంటూ అమ్మగారు లోనికి వెళ్ళారు. పిన్ని గారేమో పగలబడి నవ్వుతు,
ఏరా 'కొండా' మీ అమ్మగారికి ఇంతా భయమేమిటి రా"? అన్నారు.
అబ్బ, భలే చాన్సులే అప్పుడే మనసులో అనుకున్నాను.
ఎలాగయినా సరే ఆ నగల్ని భావిలోనుంచి తీసి అమ్ముకుందా మనుకున్నాను.
వెంటనే నేను చేతిలో పని ఆపు చేసి భావి లోకి  తొంగి చూస్తుంటే అమ్మగారు, ఏం చేస్తున్నావురా అక్కడ అని గద్దించారు కూడా!  అదీ సంగతి… ఆ నగల కోసం దిగాను భావిలో. వెతికి,వెతికీ చచ్చాను. అసలు మీ పిన్ని గారు నగల్ని భావిలో వేయలేదు.
ఆవిడ ఎక్కడో దాచి అమ్మగార్ని నవ్వులాట  పట్టిస్తుంటే నేను నిజమే అనుకున్నాను.
బుద్ధి వచ్చింది కిట్టయ్య గారు.మళ్ళీ జన్మలో దొంగతనం గురించి ఆలోచన గూడా చేయను. అయినా దేవుడి లాంటి అయ్యగారింట్లో నే దొంగతనం చెయ్యాలనుకున్నా.చాలా తప్పు చేసినాను కిట్టయ్యగారు.
అమ్మ ఈ విషయం అయ్యగారికి చెప్పి చమించమని కాళ్ళు పట్టుకోమంది.లేకుంటే చస్తానని కూడ అన్నది. చమించండి. అయ్యగారికి, అమ్మగారికి చెప్పండి. నాకు అయ్యగారికి చెప్పే ధైర్నం లేదు. ఎంత పెద్ద మనసో అయ్యగారిది. ఇంకొక్క విషయం కిట్టయ్య గారు...అక్కలకి, అన్నలకి ఎవరికీ ఈ విషయం మాత్రం చెప్పొద్దు. నా పరువు పోద్ది.మళ్ళీ ఒక్క పైసా కూడ రాలదు.
వెధవ నీ బుద్ధి మారదురా అనుకున్నా.అయినా సరే వాడి మీద నాకు, కోపం గాని,అసహ్యం కాని కలగలేదు.ఇదంతా సీతమ్మ మీద మా కున్న అభిమానం.
ఇక చూడండి.......నాకు నవ్వు ఆగలేదు.ఇంటికి ఎప్పుడు వెళ్ళాలి...ఎప్పుడు అందరికి చెప్పాలి, అన్న ధ్యాసలో పడ్డాను. ఈ విషయం గుర్తు కొచ్చినప్పుడల్లా అందరం తెగ నవ్వు కునే వాళ్ళం. సీతమ్మకూడా మాతో కలిసి నవ్వు కునేది.

కేశిరాజు వెంకట వరదయ్య.


25, జూన్ 2014, బుధవారం

WHAT IS THERE TO FEEL PROUD OF..........




WHAT IS THERE TO FEEL PROUD OF..........
                 What is there to celebrate ?............we have so little to celebrate with human development indicators lower in key areas than our south Asian neighbours and south Africa.
We are eating less in terms of calories than a decade ago. We have millions of males than females in our population and social consequences of this male surplus will be massive .Our education system is in shambles. our infrastrucure is scarily bad. The only town in India with clean water is jamshedpur.   
We have a fiscal crisis looming, shuttering growth, rising prices, stagnating Agriculture, caste,and religious descrimination, partisan politics to the maximum and policy paralysis. Governance, particularly at State levels where one Chief Minister replaces another, is so awful that you run out of adjectives. (by Kanti Bajoai TOI, 28-04-2012)) 

‎15 - GREAT THOUGHTS BY CHANAKYA

‎15 GREAT THOUGHTS BY CHANAKYA

1) "Learn from the mistakes of others... you can...'t live long enough to make them all yourselves!!"

2)"A person should not be too honest. Straight trees are cut first and Honest people are screwed first."

3)"Even if a snake is not poisonous, it should pretend to be venomous."

4)"There is some self-interest behind every friendship. There is no friendship without self-interests. This is a bitter truth."


5)" Before you start some work, always ask yourself three questions - Why am I doing it, What the results might be and Will I be successful. Only when you think deeply and find satisfactory answers to these questions, go ahead."


6)"As soon as the fear approaches near, attack and destroy it."


7)"The world's biggest power is the youth and beauty of a woman."


8)"Once you start a working on something, don't be afraid of failure and don't abandon it. People who work sincerely are the happiest."


9)"The fragrance of flowers spreads only in the direction of the wind. But the goodness of a person spreads in all direction."


10)"God is present in your feelings. The soul is your temple."


11) "A man is great by deeds, not by birth."


12) "Never make friends with people who are above or below you in status. Such friendships will never give you any happiness."


13) "Treat your kid like a darling for the first five years. For the next five years, scold them. By the time they turn sixteen, treat them like a friend. Your grown up children are your best friends."


14) "Books are as useful to a stupid person as a mirror is useful to a blind person."


15) "Education is the Best Friend. An Educated Person is Respected Everywhere. Education beats the Beauty and the Youth."

 

Laughing Faces / Keeping Silence:

Laughing Faces:

Laughing faces do not mean that they do not have any problem, difficulty and sorrow.
It means that they have ability to deal with and face them.

Keeping Silence:

Keeping silent does not always mean 'yes'. Sometimes it means " I am tired of explaining to people
who don't even care to understand me" !

Financial Stability:
When God blesses you financially do not raise your standard of living. Raise your standard of Giving.
Relationship :
Relationship never die a natural death. They often killed by attitude, ego, behaviour, ignorence and hidden benefits.
Winners :
Winners are those people who never fail in their attempts but those who never quit their attempts.


తెలుగు భాష

 తెలుగు భాష


  • 'నాగరిక జాతి' మాతృభాషలోనే మాట్లాడుతుంది' అని ప్రముఖ ఆంగ్ల కవి  డబ్ల్యూ.బి.ఈట్స్ వాఖ్యానించాడు. దీన్నిబట్టి  మనం మనది అంటే 'తెలుగు వారిది' నాగరిక జాతి  అవునో, కాదో నిర్ణయించుకోవలసిన సమయం ఆసన్నమయింది.


  • 'డాలరు గడ్డకైనా, ఇంకేదేశానికయినా  వెళ్ళడానికి కావలసిన ఆంగ్లమెంత' ? దానికోసం 'మాతృభాషను' నిర్లక్ష్యం చేయాల్సిన అవసరం లేదు. కాని అదే జరుగుతోంది. దీన్ని నియంత్రించుకోవాలి. 


  • 'తెలుగుభాష' అంతరిస్తుందన్న భయం అవసరం లేదు. ఒక జాతి సజీవంగా, చైతన్యవంతంగా ఉన్నంతకాలం, కొన్ని ప్రలోభాలకు లోబడినంత మాత్రాన 'భాష' అంతరించదు. కాని ఆజాతి కళ్ళు తెరవాల్సిన సమయం, తమను తాము, తమ భాషకు పునర్వైభవం తీసుకురావా ల్సిన ఆసన్నమయింది.. అందుకు యువత నడుంకట్టాలి.తెలుగు మాట్లాడుతూ పుంఖాను పుంఖాల ఆంగ్ల పదాలు వాడే దుస్సంస్కృతిని విడనాడాలి.  


  • అన్యభాషాపదాల్ని కలుపుకునే 'భాషే' సుసంపన్నంగా ఉంటుంది. కాలానుగుణంగా అన్య భాషా పదాలనూ స్వీకరించాలి. ఇముడ్చుకోవాలి. 


  • రాసినట్లే ఉచ్ఛరించడం, ఉచ్ఛరించినట్లే  రాయడం (వ్రాయగలగడం) 'తెలుగు భాష' కు ఉన్న ప్రధాన లక్షణం.    ఏ భాషకు ఈ సౌలభ్యం లేదు.

సూచన :  పైన వ్రాసిన ఈ పరిశీలనా వాఖ్యలు 'తెలుగువెలుగు' మాస పత్రికలో  పద్మభూషణ్ డాక్టర్. సి. నారాయణరెడ్డిగారి 'తెలుగదేలయన్న' వ్యాసము లోనివి. తెలుగువారిలో 'జాగృతి' రావాలి. 'తెలుగు' భాషకు పునర్వైభవం రావాలి.     

అనుమానం పెనుభూతం

అనుమానం పెనుభూతం
                                     
                                                             అనుమానం పెనుభూతం

              అనుమానం పెనుభూతం. అది మనిషిని ఎంతటి నీచత్వానికైనా దిగజారుస్తుంది పెద్దలెన్నడో చెప్పారు.
మదిలో ఒకసారి అనుమాన బీజం పడితే చాలు  అది మనిషిని దిద్దుకోలేని తప్పులు చేయిస్తుంది. మనసును నిలువెల్లా కలుషితం చేసి హేతుబద్ధమైన ఆలోచనాశక్తిని నాశనం చేస్తుంది.
అంతటితో ఆగదు. బుద్ధిని వక్రమార్గం పట్టిస్తుంది. నిజం చెప్పాలంటే నీచత్వానికి దిగజారుస్తుంది.
అంతే కాదు. మనిషిని క్రూరులుగా మారుస్తుంది.          

Many will Dream .... Few will Race ... One will win !

Many will Dream .... Few will Race ... One will win !

11, జూన్ 2014, బుధవారం

    Often we forget   and  complain about life  and the negative things  that happen to us, forgetting that everything that happens is for a purpose. God knows why you are reading this message today, please bless someone with it  by sharing it.
God is Great.

28, జనవరి 2014, మంగళవారం

సుబ్బారావు బదిలీ

                                                           సుబ్బారావు బదిలీ                                                           
                                                          ---------------------------
1971, ఏప్రిల్ 11...
సుబ్బారావుకి హైదరాబాద్ 'బదిలీ' అయింది.
కేంద్ర ప్రభుత్వ ఉద్యోగంలో చేరిన  మొదటి రోజే వాళ్ళమ్మగారు, బామ్మగారు, అమ్ముమ్మగారు ఇంట్లో వారైతేనేం,చుట్టాలైతేనేం,పక్కాలయితేనేం... అందరుకల్సి మూకుమ్మడిగా తేల్చి చెప్పారు. ఉద్యోగం చేయదల్చుకుంటే అటు వైజాగ్, ఇటు నెల్లూరు వరకు మాత్రమే 'బదిలీ' గట్రా అవుతే వెళ్ళడానికి అనుమతి ఇచ్చారు. అదేదో పేదరాశి పెద్దమ్మ కథలోలా పడమరదిక్కున ఏ పట్నం వరకు వెళ్ళొచ్చో చెప్పకపోవడంతో
'అదేమిటే బామ్మా.. పడమర దిక్కు మరిచావు.. ఏ ఊరూ చెప్పలేదు.
గవర్నమెంటువారు అందునా కేంద్ర ప్రభుత్వం వారు అసలే వూరుకోరు.
పడమర దిక్కున కూడా ఏదో ఒక ఊరో,పట్నమో  చెప్పవే బామ్మా' అన్నాడు సుబ్బారావుబామ్మగారిని ఆటపట్టిస్తూ .
ఆక్షణంలోనే సుబ్బారావు వాళ్ళ అమ్ముమ్మగారు సుబ్బారావు
తెలివితేటలకి మురిసిపొతూ 'మానాయనే' అనుకుంటూ రెండరిచేతులు కణతలకాన్చి ''పట పటా' శబ్దం చేస్తూ  మెటికలు పెటుక్కున విరిచారు.
'సరేరా' అంతలా అడుగుతున్నావు కాబట్టి చెబుతున్నా,బెజవాడో, నందిగామో  లేక మన జగ్గయ్యపేటో
ఏదో ఒకటి ఆ జాబితాలో  వేసుకో' అంది వాళ్ళ బామ్మగారు చాలా ఉదారంగా సుబ్బారావు వేడుకోలు మన్నించి.
అప్పటికే సుబ్బారావు వాళ్ళ అమ్ముమ్మగారు, అమ్మగారు ఊపిరి బిగబట్టి చూస్తున్నారు, బామ్మగారు ఎక్కడ కాదంటారోనని !
ఆవిడ తూర్పున  ఏకంగా మూడు వూళ్ళ పేర్లు చెప్పేసరికి వాళ్ళు సంతోషంగా ఒకరి ముఖాలు ఒకరు చూసుకుంటూ ఉబ్బితబ్బిబ్బయ్యారు. షేక్ హ్యాండ్ ఇచ్చుకుందామనుకున్నారు కానీ బామ్మగారు ఏమైనా అనుకుంటారని అక్కడితో ఆగిపోయారు తల్లీ కూతుళ్ళు.
అసలు సుబ్బారావు వేరే ఊళ్లకు ఉద్యోగరీత్యా వెళ్ళడానికి ఇంత 'యాగీ' ఏమిటనుకుంటున్నారట్టే ఉంది.
అక్కడే ఉంది అసలు కధ, కమామీషు. సుబ్బారావుకి 24 ఏళ్ళు.ఈ యేడాది పెళ్లి చేయాలనుకుంటున్నారు వాళ్ళ నాయనమ్మగారు.
'అదేవిటీ' చోద్యం కాకపొతే నిక్షేపంగా తల్లీ, తండ్రీ ఉన్నాఆవిడదేవిటటా పెత్తనం అన్నింటా'?
'హవ్వ, హవ్వ' అని చాటుగా బుగ్గలు నొక్కుకున్నవారు లేకపోలేదు.
కానీ అదంతే...ఆయింట అన్నింటా ఆవిడదే పెత్తనం. ఆవిడ 'కా' అంటే 'కా' 'కీ' అంటే'కీ'.
ఆవిడ ముందు ఎవరూ మారుమాట్లాడే వీల్లేదు.
సుబ్బారావు వాళ్ళ నాన్నగారికి నోట్లోనాలుక లేదా ? అంటే 'లేకేం' ఉంది. అందుకే అది ఆయనకి 'తల్లో' నాలుకలానే ఉంటుంది.  
'తల్లో' నాలుకంటే బామ్మగారు అప్పుడప్పుడు చెప్పే గతం గుర్తుకు వస్తోంది.

                                                      * * * * *

                         సుబ్బారావు తాతగారు 'ఇంగ్లీష్'వారి కాలంలోనే కాకినాడలో 'తాసిల్దార్' గిరి వెలగబెట్టారట. ఆరోజుల్లో ఆయనగారి ఇంగ్లీష్ వాగ్ధాటికి ఇంగ్లీష్ వారు ఆయనకీ విపరీతమైన గౌరవం ఇచ్చేవారట. దాంతో ఇంగ్లీష్ 'కలెక్టరు' గారికి తలలో నాలుకలా ఉంటూ 'దొరసానిగారి'కి కూడా బాగా దగ్గరయ్యారట. అసలే మంచి స్పురద్రూపి. చక్కటి ఆకారం.
అయినదానికీ కానిదానికి, దొరగారు ఊళ్ళో ఉన్నాలేకున్నా,ఆయన్ని'దొరసాని' గారు బంగాళాకు పిలిచేదట. గంటలతరబడి 'బాతాఖానీ' వేసేదట.
దాంతో వాళ్ళూ, వీళ్ళూ చెవులుకొరుక్కునే వరకూ వచ్చి అదికాస్తా చిలవలు, పలవలు అయి బామ్మగారివరకుచేరి ఆవిడ అలిగి కొడుకుతో సహా సొంతఊరికి వెళ్ళిపోవడం, ఆ పోవడం, పోవడం వెనక్కి రాకుండా సొంత ఇంట్లో చిల్లకల్లు కి , అద్దెఇంటికి జగ్గయ్యపేటకు తిరుగుతూ ఆవిడ, హిందీ భాషలో భాషా ప్రవీణ, భాషా నిష్ణాత్  లాటి పరీక్షలు వ్రాసి భాషలో ప్రావీణ్యం సంపాదించడమే గాక జగ్గయ్యపేటలో ఓ పాఠశాలలో హిందీ టీచర్  గా పనిచేసి రిటైరు అయిందావిడ !

రిటైర్  అయ్యాక కూడా ఆయనలో చావని అహంభావమో లేక ఆత్మభిమానమో  కాకినాడలోనే  ఒంటరిగా ఉండిపోయిన ఆయన, వార్ధ్యక్యం, రోగాలు రొస్టులు వచ్చి చరమాంకంలోగాని ఆయనగారికి భార్యాపిల్లలు గుర్తుకి రాలేదట.
ఏదేమైనా చివర్లో కాకినాడలో ఇల్లూ,పొలమూ గట్రా అమ్మేసి దండిగా వచ్చిన సొమ్ము అంతా భార్య అంటే మా బామ్మ చేతిలో పెట్టి కన్నుమూశారట ఆయన.
అన్నట్లు ఇంకొక విషయం మరిచానండోయ్....దేశానికి స్వాతంత్ర్యం వచ్చాక ఆయన రెండు,మూడు సార్లు 'లండన్' వెళ్లి దొరసాని గారిని కలిసివచ్చారట కూడా!
ఇదంతా సొంతూరికి దూరంగా ఉద్యోగం చేయడంవల్లేనని బామ్మగారి ధృడ నమ్మకం.
అందుకే అప్పటినుంచి  కొడుకుని అంటిపెట్టుకుని ఉండిపోయారట ఆవిడ.
అంచేత తల్లిగారు గీసిన గీటు దాటడు సుబ్బారావువాళ్ల నాన్నగారు.
ఇదీ సుబ్బారావు ఉద్యోగానికి, బదిలీ కి ఉన్న 'యాగీ' లంకె.
పైగా సుబ్బారావు వి  బాహ్యంగా అన్నీతాతగారి పోలికలట.
ఇవన్నీగాక సుబ్బారావుకి 'ట్రాన్స్ఫర్ ఆర్డర్' వచ్చాక బామ్మగారు తీరిగ్గా కూర్చొని
'ఏరా' సుబ్బడూ'నీ ఉద్యోగం ఏమిటి? అసలు ఆఫీసులో నువ్వేం పని చేస్తావు' అనడిగారు.
అవకాశం దొరికిందిగదా బాసింపెట్లు వేసుకుని బామ్మగారి వెదురు కుర్చీకి దగ్గరగా జరిగి తను ఆఫీసులో చేసేపని అంతా వివరిస్తూ 'మన జనాభాలో ఆడవారెంతమంది వారిలో పిల్లలెంతమంది, ఆరు,పద్నాలుగు సంవత్సారాల లోపు ఎంతమంది... అలాగే మగవారెంతమంది...'అని అన్నాడో లేదో బామ్మగారు మొదలెట్టేశారు దండకం.  'వెధవాయ్' ఎక్కడికి పోతాయి తాతబుద్ధులు. జనంలో ఆడవారెంతమంది ఉంటే నీకెందుకురా? అసలు నువ్వెళ్ళడానికి వీల్లేదు. ఉద్యోగం మానేయ్.ఉన్నదాంట్లోనే తిందాం! అంటూ బిగుసుకుపోయారావిడ. దాంతో సుబ్బారావు ఖంగు తిని, తాను మాట్లాడిన మాటల్లో అజాగ్రత్తగా వాడిన 'పదాలకు'  నాలుక్కరుచుకుని అందరూ కలిసి గవర్నమెంటు వారి ఉద్దేశ్యాలను ఆవిడకు అర్థమయ్యేటట్లు చెప్పి  ఆవిడను ప్రసన్నం చేసుకుని ఎలాగైనా సుబ్బరావుని హైదరాబాదు పంపించే ప్రయత్నంలో 'బ్రహ్మ' గారిని పిలవకుండానే 'కంకణాలు'కట్టుకున్నారు ఇంట్లోవారందరు.
                                                                     * * * * *
   
                     డిగ్రీ పూర్తి చేశాక రెండున్నరేళ్లుగా విజయవాడలో 'ప్రాంతీయ జనాభాలెక్కల  ఆఫీసు'లో లెక్కలు వేస్తున్నాడుసుబ్బారావు. ఆ లెక్కలు ఎంతకూ తేలక అసలు 'ఆంధ్రప్రదేశ్' జనాభాఎంతవుందో,అందులోఆడవారెంతమందో, మగవారెంతమందో, పిల్లలెంతమందో, వృద్దులెంతమందో, అందులో చదువుకున్నవారెంతమంది, వ్యవసాయదారులు, వృత్తి, వ్యాపారాల్లో ఎంతమంది అన్నిలెక్కలు చూడాలి... అక్కడ వెలగ బెట్టింది చాలు ఇక హైదరాబాద్ వచ్చేయ్ బాబూ' అని 'బదిలీ' చెశారు. అసలు సుబ్బారావుది జగ్గయ్యపేట పక్కనే ఉన్నఊరు చిల్లకల్లు. ఒకటోతరగతి నుంచి బి.ఎ వరకు తెలుగు 'మీడియం' లో జగ్గయ్యపేట లోనే అవలీలగా చదివేశాడు. పైగా కాలేజిలోనే కాదు జిల్లాకు కూడా 'ఫస్ట్' గా వచ్చేశాడు మావాడు అని చెప్పేది వాళ్ళ బామ్మగారు. దాన్ని అనువుగా తీసుకుని బామ్మగారిని ఒప్పించి  పై చదువులకు విశాఖపట్నం వెళతామంటే  'ససేమిరా' అంటూ చదివింది చాలు 'ఇక్కడో, విజయవాడలోనో ఏదో ఒక ఉద్యోగం చూసుకో' అని ఆజ్ఞాపించారు బామ్మగారు.
'కాదే బామ్మా' నీకు తెలుసుగా, నాకు డిగ్రీలో బాగా మార్కులు వచ్చాయి.
వైజాగ్ లో ఎం.ఏ చదువుకుంటానే 'బామ్మా' నాకు యూనివర్సిటీ  కాలేజిలో 'సీట్' వస్తుంది. తరువాత మంచి ఉద్యోగం వస్తుందే' అని మొరపెట్టుకున్నాడు బామ్మగారితో.
'చదివింది చాల్లే' నువ్వు కూడా పై చదువులు చదివి ఎక్కడికో వెళ్లి  'తాసిల్దార్' ఉద్యోగం వెలగపెట్టాలనుకుంటున్నావేమో ! నా బొందిలో ప్రాణం ఉండగా అది జరగదు.
'అంతే' అన్నారు వాళ్ళబామ్మగారు మొండిగా సుబ్బారావుని మారు మాట్లాడనీకుండా.
'అంతేనా' ? నీ మనసు మార్చుకోవా? అంటూ ఇరవై అయిదు సార్లు బతిమాలాడు సుబ్బారావు బామ్మగారిని.
'మనసు మార్చుకోవడమేమిట్రా వెధవాయ్... నీ చదువుకు దానికి లింకేవిట్రా' అన్నారావిడ.
'లింకు లేకేమిటే' బామ్మా ? ఉంది. అందుకేగా నిన్ను ఇరవై అయిదు  సార్లు బతిమాలాను అన్నాడు సుబ్బారావు.
'ఇరవై అయిదు  సార్లు బతిమాలడం ఏవిట్రా ? అర్ధం అయ్యేట్లు చెప్పరా' భడవాయ్' అన్నారు బామ్మగారు.
'మన రాజ్యాంగానికే ఇప్పటికే యిరవై నాలుగు సార్లు మార్పులు చేశారు.
నువ్వేమో నువ్వన్న'మాటనే' ఒక్కసారి మార్చనంటున్నావు' అన్నాడు సుబ్బారావు నిష్టూరంగా!
అంత పెద్ద పొగడ్త వచ్చేసరికి కొద్దిగా 'మనసు' ఏ మూలనో వెన్నలా కరగడం మొదలెట్టింది బామ్మగారిది.
సుబ్బారావు దురదృష్టం, ఆవిడకు ఆ క్షణంలోనే 'భర్తగారు' గుర్తొచ్చారు.
దాంతో ఆవిడ 'నన్నేమనుకుంటున్నావురా' 'తేడా' వచ్చిందని జీవితాన్నే పణంగా పెట్టిన దాన్ని,నా మాటంటే మాటే' ఘంటాపధంగా అన్నారు బామ్మగారు.
ఏవో పెద్ద పరీక్షలు వ్రాసి ఐ.ఏ.ఎస్సో, ,ఐ పి.ఎస్సో, కనీసం గ్రూప్ వన్  స్టేటు సర్వీసెస్సో వ్రాసి తాతగారిలా పెద్ద ఆఫీసర్ అవుదామనుకున్న సుబ్బారావు 'ఫేట్' కాస్తా ఇలా 'సీల్' 'అయిపోయింది.
బి.ఏ వరకే చదువాపుచేసి మూకుమ్మడిగా జిల్లాలో ఉన్న వేల నిరుద్యోగులందరితో కలిసి వ్రాసిన పరీక్షల్లో విజయం వరించిన కొద్దీమందిలో ఒక్కడై ఆలస్యం చేయకుండా బామ్మగారు పెట్టిన ముహూర్తానికి  విజయవాడలో ప్రాంతీయ 'జనాభాలెక్కల' ఆఫీసు ఉద్యోగంలో చేరిపోయాడు సుబ్బారావు.
                                                             * * * * *
                                             
              సుబ్బారావు వాళ్లనాన్నగారు  జిల్లా పరిషద్ స్కూల్లో  టీచర్. ఆయన రిటైర్ అయ్యేవరకు సుబ్బారావు, వాళ్ళమ్మగారు 'చిల్లకల్లు'లోవారి  పూర్వీకులు కట్టిన పెద్ద పాత లోగిల్లో పెంకుటిల్లు మాత్రం వదలకుండా దాన్నే ప్రతి సంవత్సరం  బాగుచేయించుకుంటూ అక్కడే ఉన్నారు.
సుబ్బారావు నాన్నగారు  ఆ తాలూకాలో అన్ని ఊళ్ళలో పనిచేసి చివరకు సొంతూరులోనే
'రిటైర్' అయ్యి' పింఛను' కోసం సంవత్సరం పైగా పడిగాపులు కాస్తున్నారు.
ఇంతలో సుబ్బారావుకి 'బదిలీ ' అయింది. అందునా హైదరాబాదు కి అయినట్లు తెలవడం
తోనే వాళ్ళ అమ్మగారు పక్కనే ఉన్న 'తిరుమలగిరి' వెంకన్నకు సుబ్బారావు జుట్టు ఇచ్చేస్తానని మొక్కోవడమే కాక 'ట్రాన్స్ఫర్' ఆగితే సుబ్బారావుతో పొర్లుదండాలు పెట్టిస్తానని మొక్కోవడం సుబ్బారావుకి తెలీకుండానే జరిగిపోయింది.
అయినా సుబ్బారావు హైదరాబాద్ బయలుదేరే రోజు రానే వచ్చేసింది.
మరుసటి రోజు ఉదయమే జగ్గయ్యపేటలో హైదరాబాద్ లో ఫాస్ట్ పాసెంజర్ బస్ ఎక్కాలి.
బామ్మగారేమో 'ససేమిరా' అంటున్నారు.
సుబ్బారావు వాళ్ళ అమ్మగారు, అమ్ముమ్మ, నాన్నగారు మింగాలేక, కక్కాలేక,బామ్మగారికి ఎదురు తిరగలేక పిల్లాడి భవిష్యత్తు ఎలా? అని బామ్మగారికి వినీ, వినబడకుండా గొణుక్కుంటున్నారు.
'ఇక లాభంలేదు, ఊరుకుంటే ఊరా, పేరా? హైదరాబాద్ అంటే ఎంతభయమున్నాసరే,. వెళ్ళవలసిందే! అని ఎక్కడా లేని ధైర్యం తెచ్చుకుంటూ బామ్మగారిని ఒప్పించడానికి స్వయంగా తనే రంగంలోకి దిగి అటుఇటు చూసి పక్కనే పాత వెదురు కుర్చీ మీద ఉన్న తువ్వాలు తీసి నడుముచుట్టూ బిగించి  బామ్మగారి వంక  ధైర్యంగా నడిచాడు సుబ్బారావు.
'అదికాదే బామ్మా'అందరూ తాతగారిలానే ఉంటారనుకుంటే ఎలా'?
'చిన్నప్పటి నుంచి నీ దగ్గరే ఉన్నాను కదా, నన్ను నువ్వే పెంచావు కదా!  నేను ఎలాంటి వాడినో నీకు తెలీదా'?
ఎప్పుడో ఏదో జరిగిందని కాళ్ళు ముడుచుకుని ఇంట్లో కూర్చుంటే ఎలానే ?
నాన్నగారు 'రిటైర్' అయ్యారు.
ఇంట్లో ఎవరో ఒకరం అన్నా ఉద్యోగం చేయకపోతే ఇల్లు ఎలా గడుస్తుంది  చెప్పు'? అంటూ బామ్మగారి పక్కనే మళ్ళీ  'బాసింపెట్లు ' వేసుక్కూర్చొని రాత్రి తాత గారు 'కల' లోకి వచ్చారే బామ్మాఅన్నాడు లో గొంతుకతో !
'నీ కలలోకి వచ్చాడా ఆయన 'ఏమిటటా'? కుతూహలం బయటకు కనుపించకుండా కుడిపక్క కుర్చీపైనుంచి వంగి అడిగారు బామ్మగారు.
'అప్పటికీ నేను అడుగుతూనే ఉన్నా' కలలో రావడానికి బామ్మగారి అనుమతి తీసుకున్నారా ? లేదాని '? అన్నాడు సుబ్బారావు అతి అణుకువ నటిస్తూ.
'దానికాయన 'ఆ' ఇలాంటి వాటికి ఆడవారిని అడిగేదేమిటిరా 'వెధవకన్నా'నువ్వు నాఒక్కగానొక్క మనవడివి. నీ మంచీ,చెడు చూసే బాధ్యత ఆవిడకెంతుందో నాకూ అంతే ఉంది.
అయినా నీ'కల'లోకి రావడానికి ఆవిడ అనుమతి కావాలా'?  నా ఇష్టం' అంటూ
'నువ్వు కూడా నాలా అవుతావని ఆవిడ భయంరా కన్నా' నువ్వు హైదరాబాద్ వెళ్ళవద్దు. బామ్మగారి మాటవిను, అంటూ నాకు హితబోధ చేశారే బామ్మా' అన్నాడు
సుబ్బారావు బామ్మగారివంక జాలిచూపులతో .
'నేను నిన్ను ఒదిలి హైదరాబాద్ వెళ్ళను లేవే బామ్మా' ఇక్కడే ఏదో చిన్నోచితకో ఉద్యోగం చూసుకుంటాను' అని ఆవిడ ఒళ్ళోతల ఆన్చి పడుకోబోయాడు సుబ్బారావు.
అంతే బామ్మగారు 'అపరకాళి'లా అయిపోయారు. కుర్చీలో నుంచి లేచి, సుబ్బారావుని రెక్కపట్ట్టుకుని లేపుతూ 'ఆయనెవర్రా నిన్నాపడానికి...లే బయల్దేరు' సంచులు సదురుకో' రేపుదయమే ప్రయాణం అంటూ ఒక్కుదుటున సుబ్బారావుని కుదేసి లోనికి వెళ్లి ఐదువంద  రూపాయలు నోట్లు తెచ్చి 'ఇందా' ఇవి దగ్గరుంచుకో.
సరిపోకపోతే మళ్ళీ అడుగు, మరింత ఇస్తాను' అన్నారు బామ్మగారు కోపంతో ఎర్రగా అయిన ముక్కుపుటాలు కొంగుతో రుద్దుకుంటూ.
తన ఉపాయం ఫలించినందుకు సంతోషిస్తూ దాన్ని బయటకు కనుపించకుండా జాగ్రత్త పడుతూ మళ్ళీ బామ్మగారి మనస్సు ఎక్కడ మారుతుందోనని క్షణం కూడా వృధా చేయకుండా 'సరేనే' బామ్మా' నీ మాట నేనెప్పుడైనా జవదాటానా ? రేపుదయమే బయల్దేరతాను' అన్నాడు అమాయకంగా సుబ్బారావు . 
'నేను వెళ్లి చిన్నఇల్లు చూసుకుని నిన్నుతీసుకెళతాను.దగ్గరుండి నన్ను చూసుకుందుగాని'
అంటూ బామ్మగారిని సముదాయించి 'సంచి' సదురుకుందామని లేచేసరికి బామ్మగారు రెక్క పట్టుకుని లాగి మళ్ళీ కూర్చోబెట్టుకుని తల నిమురుతూ 'నీకు 'హిందీ' అంటేనే ఆమడ దూరం.  హైద్రాబాదులో తెలుగు మాట్లాడేవాళ్ళు కరువు కదరా !
అసలే పెద్దపట్నం పైగా ఎప్పుడూ ఏవో గొడవలు,నువ్వా...నోట్లో నాలుక లేని వెధవాయివి'
అక్కడ ఎలా నెగ్గుకొస్తావురా'? దిగులుగా అన్నారు బామ్మగారు కుర్చీ హ్యాండ్ మీదనుచి
జారిన చేయిని గడ్డక్రింద పెట్టుకుంటూ.
నా తలమీద చేయివేసి ప్రేమగారాస్తూ 'సుబ్బడూ' నీ చిన్నప్పుడు మనిద్దరం ఒకసారి హైదరాబాద్ వెళ్లాం గుర్తుందా'? అందావిడ .
'ఆ' గుర్తులేకేం' అంటూ ఒక్కసారి పదేళ్ల  క్రితం పాతజ్ఞాపకాలు వల్లె వేసుకున్నాడు సుబ్బారావు.
                                                   * * * * *
               ఆ రోజు హైదరాబాద్ 'గౌలిగూడ" బస్టాండ్ లో బామ్మగారు వారిస్తున్నాముందుగా
తను బస్సు దిగడమే ఆలస్యం, ఒకడెవడో  సుబ్బారావు చేతిలో 'సూట్ కేస్' లాక్కుని
'ఆవ్ భాయ్' అంటూ ఓ పావులీటరు పాను తుపుక్కున ఉమ్మేసి బస్సు లోనుంచి దిగే వారిని దిగనివ్వకుండా బస్సు డోర్ ముందే దడిగట్టిన ఆటో, రిక్షావాళ్ళ గుంపులోనుంచి వెళ్లిన
'రిక్షావాలా' వెంట వెళ్ళాలో బస్సులోనుంచి ఇంకా దిగని బామ్మగారి కోసం వేచి ఉండాలో అర్ధంగాక 'ఏయ్' బాబూ ఆగు... ఆగు' అని అరుస్తూ
'బామ్మా, బామ్మా... వాడెవడో సూట్ కేస్ తీసుకెళ్ళాడే' అని పెద్దగా అరుస్తూ బామ్మగారు
దిగే దాకా ఆజనం గుంపులోనే నిలబడ్డాడు సుబ్బారావు.
బామ్మగారు బస్సుదిగుతూనే  'ఏంటిరా... అరుస్తున్నావు ? సూట్  కేస్ ఏదీ' ? అంటూ ఆరాతీశారు.
'మరే...బామ్మా' వాడెవడో చేతిలో సూట్ కేస్ లాక్కెళ్ళా డే' నువ్విక్కడే ఉండు నేను చూసివస్తా, వాడిటే వెళ్ళాడు' అంటూ ఇవతలకు వచ్చి అటు ఇటు అంతా వెదికినా ఆమనిషి గాని, సూట్ కేస్ గాని కన్పించలేదు.
ఏం చేయాలో అర్ధం కాలేదు సుబ్బారావు కి' దూరంగా ఓ పోలీస్ కానిస్టేబుల్ ఉన్నాడు అతనికి కంప్లైంట్ చేద్దామా బామ్మా'? అనడిగాడు.
'నువ్వలా ఆగు' అంటూ 'ఎవడ్రా పిల్లాడి చేతిలో 'సూట్ కేసు' లాక్కెళ్ళింది ?
'సూట్ కేస్ కౌన్ కీంచ్ కె లేగయా' ? అంటూ అచ్చు హిందీలో అక్కడే ఉన్నవేరే రిక్షా వాళ్ళని నిలేసి కళ్ళు ఉరిమారు బామ్మగారు.
'మాజీ' ఆప్ కీ సూట్ కేస్ కహీ భీ నై జాతా' ఉధర్ బాజు కేలే వాలే కె పాస్ రేహ్తా ఉన్ కా రిక్షా' అన్నాడు ఒకడు గారపళ్ళు బయట పెట్టి ఇకిలిస్తూ.
'ఏమంటున్నాడే…బామ్మావాడు'? కొంగు లాగుతూ అడిగాడు సుబ్బారావు.
'అందుకేరా వెధవాయ్...హిందీ నేర్చుకోరా' అంటే ఎప్పటికప్పుడు ఎదోవంకపెట్టి తప్పిచ్చుకునే వాడివి.
'ఇప్పుడు చూడు…వాడు మాట్లాడేది అర్ధంగాక  వెర్రి చూపులు చూస్తున్నావ్ వెధవాయ్'. ఇంటికెళ్ళాక ఇక ఊరుకునేది లేదు. కూర్చోబెట్టి హిందీ నేర్పిస్తాను చూడు' అంటూ మళ్ళీ రిక్షా వాళ్ళమీదకు యుద్ధానికి దూకడానికి అటు ఇటూ ఏదైనా ఎతైన బల్లా ఉందేమోనని చూశారు బామ్మగారు.
అక్కడ అలాటిది ఏదీ లేకపోవడంతో ఒక్కడుగు ముందుకు వేసి, వెంటనే మళ్ళీ రెండడుగులు వెనక్కివేస్తూ ముక్కుమూసుకుని 'వారంరోజుల నుంచి స్నానం గట్రా చేసినట్లు లేరు.
'డోకొస్తోందిరా వెధవ కంపుతో' అన్నారు మనవడితో బామ్మగారు.
'బామ్మగారూ'మీ సూట్ కేసు ఎక్కడికీ పోదు' అటుపక్క అరటిపండ్ల బండి పక్కనే ఉందట.
సూట్ కేస్ తీసుకెళ్ళిన వాడి 'రిక్షా' దగ్గరకని చెప్పి సుబ్బారావు చేయి పట్టుకుని అటుగా వెళ్లి ఓ ఐదు నిముషాల తర్వాత ఆ రిక్షావాడిని పట్టుకుని సూట్ కేసు పట్టుకు వచ్చాడు ఎవరో కుర్రాడు మాతోనే బస్ లో వచ్చినతను.
'ఇంకా నయం' ఈసారి వీడెవడో  పిల్లాడిని తీసుకెళ్ళాడు కాదు' వెధవ సూట్ కేస్ పోతేపోయింది.
పిల్లాడు దక్కాడు. అంతేచాలు అని ఏడుకొండల వాణ్ణి మనసులో తలుచుకుంటూ
'రక్షించావు నాయనా' కలకాలం వర్ధిల్లు' అని సాయం చేసిన ఆ కుర్రాణ్ణి  దీవించి అతని నుంచి కుడి చేత్తో సూట్ కేసు, ఎడం చేత్తో మనవణ్ణి అందుకుని  'ఇదేం పట్నం రా బాబూ ఎవడుబడితే వాడు...దేన్నిబడితే దాన్ని,లాక్కెళ్ళుకు పోతున్నారు...ఇంకా నయం నన్నులాక్కెళ్ళారు కాదు...'అయినా నన్నెవరు లాక్కెళతారులే.. ముసలి ముండాదాన్ని' అని మనసులో అనుకుంటుండగానే
'మీరెక్కడకెళ్లాలో చెప్పండి బామ్మగారూ' నేను దిగబెట్టి వెళతాను' అన్నాడు ఆ కుర్రాడు.
'మా నాయనే అంతమాటన్నావు' అదేచాలు.  'నీకెందుకు నాయనా అంత శ్రమ' చేసిన సాయం చాలు. మేము చిక్కడపల్లి  వెళ్ళాలి.'మేం వెళతాము'.
నాకు త్రోవ తెలుసు అని బామ్మగారు రిక్షా మాట్లాడారు.

                                                              * * * * *            
             దాంతర్వాత దాదాపు పదేళ్ల  తరువాత మళ్ళీ హైదరాబాద్ బస్ స్టాండ్ లో దిగాడు సుబ్బారావు.ఈసారి బస్ దిగుతూనే ఎందుకైనా మంచిదని ఒకచేత్తో పట్టుకుంటే సూట్ కేస్ లాక్కుంటారేమోనని రెండుచేతులతో సూట్ కేస్ గట్టిగా పట్టుకుని దిగుతూ తూలి ఓ పడుచు అమ్మాయి మీద పడబోయి ఆ అమ్మాయి భుజాన్ని పట్టుకుని నిలబడ్డాడు సుబ్బారావు.
ఆ అమ్మాయి సుబ్బారావు చేతిని విసిరి కొడుతూ మొదలయింది 'వెధవ సంత' అని విసురుగా వెళ్ళిపోయింది.
సుబ్బారావు 'సారీ' అండీ' అనే లోపునే ఆ అమ్మాయి వెళ్లి పోవడంతో'సర్లే, ఇంకెప్పుడయినా బస్ లో కల్సి నప్పుడు తప్పని సరిగా 'సారీ' చెబుదామని నిశ్చయించుకునే లోపునే వెనకనుంచి ఎవరో తోసిన తోపుకి సుబ్బారావు ఇద్దరు ముగ్గుర్ని నెట్టుకుంటూ బస్ అయితే పూర్తిగా దిగాడు. దిగడం తోనే ఇదివరకు బామ్మగారితో తను దిగిన ప్రదేశంగుర్తించగలనేమోనని వెతికాడు. అంత కొత్తగా ఉంది అని 'వెతకడం' మానుకున్నాడు.
అయినా సరే, ఎందుకయినా మంచిదని అటు ఇటూ వెతికాడు.అప్పటి రిక్షావాడేమైనా ఉన్నాడేమోనని 'సూట్ కేస్' జాగ్రత్తగా పట్టుకొని వాడెక్కడ కనిపించక పోవడంతో 'అమ్మయ్య'  అని ఒక్కసారి నిట్టూర్చి పదినిముషాలుపాటు 'రిసీవ్' చేసుకోవడానికి
వస్తానన్న'శర్మ' కోసం వేచి చూశాడు సుబ్బారావు .
ఈ లోపులో 'ఆవ్' సాబ్ కహా జానా హై? అని అడుగుతూ సూట్ కేస్ అందుకోవాడానికి చాలా మంది చేయి జాపడంతో 'బాబోయ్' జాగ్రత్తగా ఉండాల్సిందే... పాత రిక్షావాడు తనని గుర్తుపడతానని వేరేవాళ్లని పంపించినట్లున్నాడని అనుకుంటూ 'శర్మ' కోసం వెతుకుతూ, కనుచూపుమేరలో ఎక్కడా 'శర్మ' కనబడక పోవడంతో
'ఇదెక్కడి ఖర్మ రా బాబూ ఒక్కడినీ వెళ్ళాల్సొచ్చిందే' అనుకుంటూ 'ఆటోరిక్షా' ఎక్కి 'చింతలబస్తీ' సిండికేట్ బ్యాంకు పక్కన గల్లీ లో దిగి శర్మ చెప్పిన మొండిగుర్తు
'దవాఖానా' బోర్డ్ కోసం వెతికాడు. బోర్డైతే కనిపించింది కాని బోర్డ్ మీద 'దవాఖాన్' అని ఉంది.
వెధవ ఈ శర్మ ఎప్పుడూ ఇంతే.స్పెల్లింగ్ మిస్టేక్స్ అలవాటు ఇంకా పోలేదు అనుకుంటూ 'ఆటోరిక్షా' దిగి సులువుగానే 'శర్మ' రూం అడ్రస్  పట్టుకుని తలుపు తట్టాడు.
ఎవరో అమ్మాయి తలుపు తీసింది. కంగారుగా రెండడుగులు వెనక్కి వేసిన సుబ్బారావుతో చనువుగా తెలిసిన వ్యక్తి లానే 'రండి' అంటూ రైలుడబ్బాల్లా వరుసగా ఉన్నమూడు గదుల ఇంట్లోకి సాదరంగా ఆహ్వానించింది.
సుబ్బారావుకి అసలు ఇది 'శర్మ' రూమేనా అన్న అనుమానం వచ్చిఇంట్లోకి వెళ్ళకుండా గుమ్మం ముందే నిలబడి ఇది సెన్సస్ డిపార్టుమెంటులో పనిచేసే 'శర్మ' గారి రూమేనానండీ? అని అడిగాడు సుబ్బారావు.
సుబ్బారావు ప్రశ్నకు సమాధానం ఇవ్వకుండా 'మీరు సుబ్బారావు గారు కదా' ఇంట్లోకి రండి
అన్నయ్య మీరు వస్తారని చెప్పాడు.
తనకి ఒంట్లో బాగా లేదు. విరోచనాలు రాత్రినుంచి
మిమ్ముల్ని 'రిసీవ్ చేసుకోవడానికి' బస్ స్టాండ్ కి రాలేక పోయాడు.
లోపల పడుకున్నాడు' అంటూ తను లోనికి నడిచింది.
మంత్రముగ్దుడిలా  తను కూడా లోనికి నడిచాడు సుబ్బారావు ఆ అమ్మాయి వెనకాలే.
'శర్మ చెప్పనే లేదు రూము మార్చానని, రూములో తను ఒక్కడే ఉంటున్నాడు అనుకున్నా... లేకుంటే ఇంకెక్కడైనా దిగే వాడిని' అనుకుంటూ సూట్ కేస్ ఓ పక్కన పెట్టిన సుబ్బారావుకి  మధ్యరూములోనుంచి ముందు  రూములోనికి వస్తూ 'ఆరే అనుకున్న టైం కంటే అర్ధగంట ముందే వచ్చేశావే...ఎలావున్నావురా' ? అన్నాడు శర్మ ఆప్యాయంగా పలకరిస్తూ.
'ఏరా 'రూం' మార్చాననిగాని మీ చెల్లి కూడా నీతో ఉంటోందని కాని  చెప్పలేదు.
'ఇబ్బంది కదా' నేను ఏదైనా హోటల్ కి వెళతాను' అన్నాడు సుబ్బారావు వెళదామన్ననిర్ణయానికొచ్చిలేచి నిలబడి.
'బాబూ'  నీకోసం రూం 'రెడీ' గా ఉంది. నేను రూము ఖాళీ చేసి ఈ ఫ్యామిలీ పోర్షన్ లోకి మారాను.
'చెల్లి సివిల్స్ ఎక్జామ్స్ కి ప్రిపేర్ అవుతోంది. ఇక్కడే ఉంటుంది. అందుకే అటు పక్కన 'రూం' ఖాళీ చేసి ఈ పోర్షన్ లోకి మారాను. రూం రెడీగా ఉంది.
ఈరోజు మంచిరోజు కూడా... నువ్వు దిగిపోవచ్చు అని శర్మ చెబుతుండగానే కాఫీ తెచ్చింది 'కిరణ్మయి' శర్మచెల్లెలు.
కాఫీ తాగుతూ ఆఫీసు కబుర్లలో మునిగి పోయిన వాళ్ళిద్దరికీ వంట అయింది లేచి స్నానాలు కానివ్వమని రెండు మూడు సార్లు గట్టిగా చెప్పివెళ్ళింది కిరణ్మయి.
వళ్ళు తెలీకుండా కబుర్లలో మునిగిపోయి ఇద్దరూ ఎంతకూ లేవకపోవడంతో ఏదైనా చేసి
ఇద్దరినీ లేపాలని కిచెన్లో ఓపెద్ద గిన్నెను కావాలని కింద 'డాంమ్మని' పడేసింది కిరణ్మయి.
ఆశబ్దానికి ఇద్దరూలేచి 'కిచెన్' లోకి పరుగెత్తారు ఏమైందోనని.
అక్కడ కూల్ గా పనిచేసుకుంటున్న కిరణ్మయిని చూసి వెనక్కి తిరిగి వెళ్తున్న అన్నతో మిస్టర్ 'శర్మా' విపరీతంగా ఆకలవుతోంది. మీరేమో ఎంతకూ లేవడంలేదు.
అందుకే గిన్నెకింద పడేశాను.
నో 'డేమేజి' డన్ టు  యువర్ యుటెన్సిల్స్'శర్మా' అంటూ తల తిప్పకుండానే మాట్లాడుతూ!
'ఇంతకీ మీరిద్దరూ లేచినట్లేనా' నన్ను తినేయమంటారా'? అని సీరియెస్ గా అడిగింది కిరణ్మయి.
'నువ్వు తినేయి తల్లీ... వీడిని గృహప్రవేశం చేయించి వస్తాను' అని ఇద్దరు అటు సూట్ కేస్ తీసుకుని రూముకి  బయలుదేరారు.
'మీ ఫ్రెండ్ స్నానం చేశాక నన్నుపిలువు. పరమాన్నం చేశాను.
సుబ్బారావుగారు మొదటిసారి రూములో దిగుతున్నారుకదా! అక్కడ దేవుడి ఫోటో పెట్టి దీపారాధన చేద్దాం.
తరువాత అన్నీఅక్కడికే తెస్తాను. అందరం అక్కడే భోజనం చేద్దాం' ఏమంటావురా' అంటూ 'అన్నయ్య' శర్మ వైపు చూస్తూ అంది కిరణ్మయి...సుబ్బారావు కృతజ్ఞతా పూర్వక చూపులు గమనిస్తూ !   
                                                  * * * * *

శని, ఆదివారాలు గడిచి పోయాయి. 'బాబూ' నాకు 'సిటి' ఎప్పుడు చూపెడతావు.
ఇక్కడ రోడ్లు, పరిసరాలు ఎప్పటికవగతమవుతాయో.
'శర్మ' కు నలతతో ఎక్కడికీ వెళ్ళకనే  రెండురోజులు గడిచిపోయాయని చింతిస్తున్న సుబ్బారావుతో 'నేను బస్ స్టాండ్ కి రాకపోవడమే నీకు ట్రైనింగ్ లో మొదటి భాగం' అన్నాడు శర్మ!
'చూశావా? ఇక్కడ ఒక మంచి 'రూము', 'నైబర్ హుడ్'  దొరకాలంటే దేవుడు దిగి వస్తాడు.
నీకు చూడు అన్నీఅమరినట్లుగా దొరికాయో' అన్నాడు శర్మ.
'అవునవును. నాకసలు హైదరాబాద్ అంటేనే భయం. నువ్వుండబట్టే  వచ్చాను.
లేకుంటే ఉద్యోగమే మానేసే వాణ్ని' అన్నాడు సుబ్బారావు.
'అదేంటి ? ఉద్యోగం చేయకుండా ఎలా? 'తాత' సంపాదించిన ఆస్తులు దండిగా ఉన్నాయేంటి' ? రెండు రోజులుగా అతన్ని గమనిస్తున్న ఉత్సుకతతో అడిగింది కిరణ్మయి.
తాత అనగానే ఉలిక్కిపడి 'అమ్మయ్య'' బామ్మ ఇక్కడ లేదుగా అనిగొణుక్కుంటూ
'ఆ'.. బాగానే ఉన్నట్లుందండీ' అన్నాడు సుబ్బారావు.
'అదేంటి' ఉన్నట్లుంది ఏమిటి... మీకు తెలీదా'? రెట్టించి అడిగింది కిరణ్మయి.
మౌనంగా ఉన్న సుబ్బారావుని ఉద్దేసించి 'చెప్పడం ఇష్టంలేకపోతే మానేయండి' అంది కిరణ్మయి అతని వివరాలు తెలుసుకోవాలన్న కుతూహలం అణుచుకుంటూ
'మాతాతగారు పోతూ, పోతూ మా బామ్మకు పెద్ద మూట ఇచ్చివెళ్ళారట.
వివరాలు తెలుసుకోవాలన్న కుతూహలం లేక తెలుసుకోలేదు' అన్నాడు సుబ్బారావు.
'ఒహో' తన తాతగారిదేదో 'మిస్టరి' ఉన్నట్లుంది' తనకి చెప్పడం అంతగా ఇష్టంఉన్నట్లు లేదని అంతటితో ఆ 'టాపిక్' వదిలేసి 'సుబ్బారావు గారూ మిమ్ముల్ని ఓ విషయం అడుగుదామనుకుంటున్నాను...అడగమంటారా' ? అంది కిరణ్మయి సుబ్బారావు వైపు ఉత్సుకతతో చూస్తూ.
'అడగండి...అదీ మాతాతగారి విషయం తప్ప' అన్నాడు సుబ్బారావు అదేదో సినిమా లో ఎన్ఠీఆర్ డైలాగ్ గుర్తుకు తెచ్చుకుంటూ.
వస్తున్ననవ్వును ఆపుకుంటూ 'అదేమీ కాదండీ...మీరీ ఉద్యోగంలో చేరినప్పడి నుంచి మీ విషయాలు ఏదో ఒకటి అన్నయ్య చెబుతూనే ఉన్నాడు'.
'మీ 'అకాడమిక్ కెరియెర్' గురించి కూడా నాకు కొద్దో గొప్పో తెలుసు.
మీరు ఈ చిన్న ఉద్యోగంలో ఎందుకు 'సెటిల్'అవుతున్నారో నాకు అర్ధం కావడంలేదు.
మీరు కూడా నాతో 'సివిల్ సర్వీసెస్' ఎగ్జామ్స్ వ్రాయవచ్చుకదా' అంది కిరణ్మయి.
'వ్రాద్దామని ఇదివరకే అనుకున్నా. కానీ మా బామ్మగారికి నేను 'విజయవాడ' ప్రాంతం వదిలి వేరేచోట ఉద్యోగం చేయడం ఇష్టం లేక మానేశాను' అన్నాడు సుబ్బారావు
'అదీ,నాకు తెలుసు. ఇప్పుడిక హైదరాబాద్ వచ్చారు కదా !
ఇంకా మీకు జాయినింగ్ టైం ఉంది. ఈ ఎగ్జామ్స్ కి ఆప్లై చేయడానికి ఇంకా వారంరోజులు సమయం ఉంది.ఇద్దరం కలిసి అప్లై చేద్దాం. కలిసి ప్రిపేర్ అవుదాం. ఇది మంచి ఛాన్స్.
చాలా  పోస్టులు ఉన్నాయి.
సెలెక్ట్ అవుతే అయిదారు నెలల్లో క్లాస్ వన్, రాకపోతే గ్రూప్ 'బి' సర్వీస్ లో ఏకంగా 'జి.ఓ' గా   కేంద్రీయ సర్వీస్ లో చేరిపోవచ్చు.ఏదీ రాక పోతే మీ ఉద్యోగం మీకెలాగు ఉంది' ఏమంటారు? ఊరిస్తూ  అంది కిరణ్మయి వేరే 'ఛాయెస్' ఇవ్వకుండా అతని ముఖంలో కి సూటిగా చూస్తూ!  .
'సరే' నండి' అన్నాడు బామ్మగారిని ఎలా ఒప్పించాలా  అని  మనసులో అలోచిస్తూ అన్నాడు సుబ్బారావు !
                                                     * * * * *
దాదాపు రెండు సంవత్సరాల తరువాత.
విజయవాడలో ఒకరోజు తహసీల్దార్ ఆఫీసులో.
'మై నేమ్ ఈజ్ కేథరిన్. ఐ యాం ఫ్రమ్ లండన్. థిస్ ఈజ్ మై గ్రాండ్ డాటర్ 'ఎలిజెబెత్ ' కాకినాడలో మెడిసిన్ చేస్తోంది. ఐ మెట్ డిస్ట్రిక్ట్ కలెక్టర్...హి డైరెక్టేడ్ మీ టు సి యూ టు నో అల్ ది ఫార్మాలిటీస్ టు రిజిస్టర్ద్ ఏ 'ట్రస్ట్' ఇన్ ది నేమ్ అఫ్ వన్ మిస్టర్ సుబ్బారావు'.
ఐ వాంట్ టు సర్వ్ 'పూర్' ఇన్ అండ్ అరౌండ్ హిజ్ విలేజ్ 'చిలకలు' కష్టంగా ఊరిపేరు పలుకుతూ అంది 'కేథెరిన్'.
విజయవాడ లో ట్రైనీ ' క్లాస్ వన్ తహసీల్దార్'తో.
'యాం రియల్లీ అమ్యూజ్డ్ టు నో యువర్ నేమ్ టూ' మిస్టర్.సుబ్బారావు.
నాకు తెలుగు బాగానే వచ్చు.'నేను మీకు 'ఇండిపెండెన్స్' రాకముందు చాలా సంవత్సరాలు కాకినాడ'లో ఉండి ఉన్నాను.
ఇప్పుడు ఇక ఇక్కడనే ఉండి పేద ప్రజలకు 'సేవ' చేయదలచాను.
'లుక్' ఎట్ దీజ్ పేపర్స్ అంటూ 'ట్రస్ట్ కి సంబంధించిన పేపర్లు అన్నీ ఇచ్చింది కేథరిన్.
ఆ 'పేపర్లు' చూస్తున్నాడే గాని సుబ్బారావు మనసులో మనసులేదు.
బుర్ర వేడెక్కి పోతోంది.
అనుమానం లేదు...'ఆవిడే ఈవిడ.
'తాతగారి పేరునే 'ట్రస్ట్' రిజిస్టర్ చేస్తోంది.
దాదాపు పది కోట్ల రూపాయలతో పేదప్రజల చదువు, ఆరోగ్యం, నీటి వసతుల కోసం 'ట్రస్ట్' ఏర్పాటు చేస్తోంది.
బామ్మగారి పేరు ట్రస్ట్ చైర్మన్ గా 'మెన్షన్' చేసింది.
ఇంతలో 'బిళ్ళ' బంట్రోతు వచ్చి 'సార్' మీనాన్నగారు, బామ్మగారట...వచ్చారు లోనికి పంపాలా' ? అని బంట్రోతు అంటుండగానే  నాన్నతో సహా లోనికి వచ్చింది బామ్మ.
గతుక్కుమన్న సుబ్బారావు దాక్కోడానికి సరైన కలుగేమీ కనిపించక కంగారుగా టేబుల్  సొరుగులో తలుంఛి 'నాకేమీ తెలీదే బామ్మా'ఈవిడ' ఆవిడేనని నాకు నిజంగా తెలీదే, నన్నునమ్ము' అంటూ వాపోయాడు సుబ్బారావు.
'అదేంటిరా... 'కేథరిన్' నీకు చెప్పలేదా'? మనింటికి వచ్చి నన్నుకలిసి వచ్చానని.
'నో' నేను ఎందుకు చెప్పాలి' తన తాతగారి ఫ్రెండ్ ని' నన్ను ఎలా ట్రీట్ చేస్తాడో చూద్దామని 'టెస్ట్' చేస్తున్నాను ?
'అచ్చు మా ఫ్రెండ్ సుబ్బారావులానే ఉన్నాడు' అంటూ బామ్మగారి వంక చూసింది కేథరిన్.
'సారీ' కేథెరిన్,రావడం కొద్దిగా లేటయింది.
వీడే నీఫ్రెండ్ సుబ్బారావు గ్రాండ్ సన్' ఆ అమ్మాయి 'ఎలిజెబెత్' కేథరిన్ మనవరాలటరా' కాకినాడలోనే ఎం.బి.బి.ఎస్ చదువుతోంది.   
ఇంతలో 'హెడ్ క్లార్క్' లోనికి వస్తూ 'కంగ్రాట్యులేషన్స్' సర్ మిమ్ముల్ని సబ్ కలెక్టర్ గా కాకినాడకు పోస్టింగ్ ఇచ్చారు 'ఇదిగోండి ఆర్డర్'  అన్నాడు హెడ్ క్లార్క్
'ఓ ఇట్స్ రియల్లీ వండర్ఫుల్' వాట్ ఏ ఫెంటాస్టిక్ న్యూస్.
'ఎలిజబెత్' ఇక నువ్వు ఇంకా హాస్టల్ లో ఎందుకు'? అంది కేథెరీన్ సుబ్బారావు వంక చూస్తూ.
'ఓ మైగాడ్' అన్నాడు సుబ్బారావు బామ్మగారి వంక చూస్తూ తలపట్టుకుని.
'సరి'... కధ సంపూర్ణం' అంటూ నిట్టూర్చింది బామ్మగారు.

రచన:
కేశిరాజు  వెంకట వరదయ్య
మొబైల్. నం. 9849118254










 







                             

26, జనవరి 2014, ఆదివారం

తెలుగు వారములు /మాసముల పేరు/ ఇంగ్లీష్ మాసముల పేర్లు / ఋతువులు / ధర్మాలు ( Names of Telugu Weeks, months and details how the names came into existence) :

 తెలుగు వారములు /మాసముల  పేరు/ ఇంగ్లీష్ మాసముల  పేర్లు  / ఋతువులు   /   ధర్మాలు.   
  
 ౧. చైత్రము             ......  మార్చి / ఏప్రిల్       -  వసంతఋతువు    - చెట్లు చిగిర్చి పూలు పూస్తాయి.  
౨. వైశాఖము          ...... ఏప్రిల్ / మే             -                    "           "
౩.  జ్యేష్టము            ......  జ్యేష్టం / జూన్          -   గ్రీష్మఋతువు       - ఎండలు ఎక్కువ.   
౪. ఆషాడము         ......   జూన్ / జులై            
౫. శ్రావణము         ......    జూలై / ఆగస్టు         -   వర్షఋతువు        - వర్షాలు కురుస్తాయి.  
౬. భాద్రపదము      ......    ఆగష్టు / సెప్టెంబరు  
౭. ఆశ్వయుజము   .....    సెప్టెంబర్ / అక్టోబరు -   శరద్రుతువు          - వెన్నెల కాస్తుంది. రాత్రులు ఆహ్లాదం.   
౮. కార్తీకము           .....    అక్టోబర్ / నవంబరు
౯. మార్గశిరము       .....    డిసెంబరు / జనవరి  -   హేమంతఋతువు - చలి. మంచు కురుస్తుంది.     
౧౦.పుష్యమి           .....    జనవరి / ఫిబ్రవరి 
౧౧.మాఘము        .....    జనవరి / ఫిబ్రవరి     -    శిశిరఋతువు     -  చెట్ల ఆకులు రాలును.
౧౨.ఫాల్గుణం          .....   ఫిబ్రవరి / మార్చి
 
తెలుగు వారాలు  వాటి  ఆవిర్భావ విశేషాలు : ( Names of  Telugu Weeks and details how the names came into existence) :
1.   ఆది వారం     :    ఆదిత్యుని (సూర్యుని) (రవి) పేరున ఏర్పడిన రోజు.  దీనిని ఆదిత్యవారం అనేవారు.అదే ఆదివారంగా మారింది. 
2.  సోమవారం      :   సో ముని ( చంద్రుని)  పేరున ఏర్పడిన రోజు ఇది. ఆంగ్లములో చంద్రుణ్ణి 'మూన్' అంటారు. 
 'మూన్ డే ' కాస్తా కాలక్రమేణా  'మండే' అయింది. 
3.  మంగళ వారం  :   కుజ గ్రహం (మంగళ/మార్స్ ) పేరున ఏర్పడిన రోజు  ఇది.
4.  బుధవారం       :    బుధ గ్రహం ( మెర్క్యురి) పేరున ఏర్పడిన  రోజు ఇది.
5.  గురు వారం      :   గురుగ్రహం ( జూపిటర్) పేరున ఏర్పడిన రోజు ఇది.
6.  శుక్రవారం         :   శుక్ర గ్రహం  (వీనస్) పేరున ఏర్పడిన  వారం ఇది.
7.  శనివారం          :   శని గ్రహం  ( సేటర్న్ ) పేరున ఏర్పడిన వారం ఇది. 

13, జనవరి 2014, సోమవారం

'రాశులు' వాటి తెలుగు, ఇంగ్లీష్ పేర్లు,వాటి గుర్తులు.

                            'రాశులు' వాటి తెలుగు, ఇంగ్లీష్ పేర్లు వాటి గుర్తులు   


                                                       రాశి'  పేరు

                                 తెలుగులో          ఇంగ్లీష్ లో         వాటి గుర్తులు
                                ------------        -----------        -------------
                                 మేషం                ఏరిస్                  మేక
                              వృషభం               టారస్                 ఎద్దు
                              మిధునం               జెమిని               కవలలు
                            కర్కాటకం               కేన్సర్               ఎండ్రకాయ
                                సింహం                లియో                 సింహం
                                  కన్య                  వర్గొ                   యువతి
                                 తుల                  లిబ్రా                  త్రాసు
                             వృచ్చికం              స్కార్పియో             తేలు
                             ధనుస్సు             శాజిటేరియన్           ధనుస్సు
                              మకరం                  కేప్రికార్న్            మొసలి
                              కుంభం                 అక్వారిస్         కొమ్ములున్నచేప
                               మీనం                   పైసెస్               రెండు చేపలు

                         

దేశ, విదేశ ప్రముఖ సంఘ సంస్కర్తలు ( Social Reformers)

దేశ, విదేశ ప్రముఖ సంఘ సంస్కర్తలు  :

గౌతమ బుద్ధుడు       క్రీ.పూ. 6-5  వ. శతాబ్దము - అశోకుని కాలమునుండి 'బౌద్ధమతము' ఆంధ్రులలో  వ్యాపించినది.

మహావీరుడు                    "    "    "               - చంద్రగుప్తుని కాలమునుండి 'జైన మతం' ఆంధ్ర దేశం లో కాలూనింది.

ఏసుక్రీస్తు (క్రీస్తు శకకర్త) 18 వ. శతాబ్దము  నుండి  ఆంధ్రదేశములో 'క్రైస్తవ మతం' ఆంధ్రదేశంలో వేళ్ళూనింది.

నాగార్జునుడు         క్రీ.శ. 3 వ. శతాబ్దము  - మహాయాన బౌద్ధమతోద్దారకుడు.

మహమ్మద్            క్రీ.శ. 6 వ. శతాబ్దము  - 13 వ. శతాబ్దము నుండి 'ఇస్లాం మతం' ఆంధ్రదేశంలో వ్యాపింపబడింది.

బసవేశ్వరుడు          "    8 వ.      "      -  వీరశైవమతం  ఆంధ్రదేశంలో వ్యాపింపబడింది.

శంకరాచార్యులు     క్రీ..శ. 8 వ.      "   -    అద్వైత వైదికమతం ,బాదరాయణ సూత్రములు, భగవద్గీత వ్యాప్తి.

రామానుజాచార్యులు. క్రీ.శ.11 వ   "  -    వైష్ణవ విశిష్టాద్వైతమతము - ఆంధ్రదేశమున  వ్యాప్తి-ప్రఖ్యాతి.

ఆనందతీర్ధులు             "   13 వ. "    -   ద్వైతమతం (మాధ్యమతం)- ఆంధ్ర దేశమున వ్యాప్తి చెందినది.

రాజారామమోహనరాయ్ "  19 వ. "    -   బ్రాహ్మసమాజ సంఘసంస్కార స్థాపకుడు - ఆంధ్రదేశమున వ్యాప్తి.

కేశవచంద్రదేవ్                "  19 వ. "    -    బ్రాహ్మసమాజ మత  వ్యాపకుడు.

బిపిన్ చంద్రపాల్,
హేమచంద్రసర్కార్.      " 19,20 వ."    -   బ్రహ్మసమాజ మత వ్యాపకులు -రాజకీయాశయ ప్రభోదకులు.

రామకృష్ణ పరమహంస   "   19 వ.  "   -   ఆధ్యాత్మిక, నైతిక మత పభోధకుడు.

స్వామి వివేకానంద          "    "       "   -   ఆధ్యాత్మిక, నైతిక మత ప్రచారకులు.

అనిబిసెంట్                 "  19,20 వ. " -   దివ్యజ్ఞాన సమాజ మతోద్ధారకురాలు.

జిడ్డు కృష్ణమూర్తి          "     20 వ.  "  -         "          "      మత ప్రచారకులు.

దయానందస్వామీ        "       "      "   -   ఆర్యసమాజ మతోద్దారకుడు.

శ్రీ రమణమహర్షి          "       "      "   -    నూతన భక్తి మర్గోపదేశకులు.

కుసుమ హరనాధ బాబా      "      "    -       "        "          "

రాధాస్వామి               "      "      "     -       "        "         "

సాయిబాబా               "      "      "     -       "        "         "

అరవిందమహర్షి          "      "      "    -   పూర్ణ యోగ ఆధ్యాత్మిక విద్యావ్యాపకుడు.

బాల గంగాధర తిలక్   "      "      "    -    రాజకీయవేత్త ,గీతా రహస్య ప్రభోధకుడు.

రవీంద్రనాధఠాగోర్       "      "      "    -     నైతిక విద్యాప్రభోధకులు- మహాకవి

మహాత్మాగాంధీ          "      "      "    -  జాతిపిత - భారత స్వాతంత్ర్యసమర నాయకుడు-జాతీయోద్యమ నాయకుడు.

కార్ల్ మార్క్స్          "      "      "    -      సామ్యవాద స్థాపకుడు.

లెనిన్                       "      "      "    -      సామ్యవాద ప్రచారకుడు.